Escoliña de nais e pais

Sabemos que non sempre é doado sacar tempo para vir… Que o día a día pesa, que hai moito que soster e que, moitas veces, quedamos para o final.

Pero tamén sabemos algo importante: cando paramos un pouco e compartimos, algo cambia.

Porque ás veces imos tirando, sen parar, sen pensar como estamos realmente. E sen decatarnos, imos quedando un pouco máis soas, máis cansadas, máis cargadas.

Esta escoliña é para iso, para que supoña un pequeno alto no camiño. Un espazo para escoitarte, para poñer palabras, recolocarte e sentirte acompañada.

Non tes que traer nada preparado, nin falar se non che apetece. Só vir, e deixarte acompañar un anaco.

Porque non se trata de poder con todo, senón de non ter que facelo soa.

Gustaríanos moito contar contigo ❤️